Blogg og sopp

2.november 06: Det er andre månaden min i «blogosfæren», og det er stadig mange nye gater å streife rundt i. Eg vil ta det med ro, men ikkje heilt slå meg til ro – d.v.s. eg vil ikkje prøve å gape over alt, men heller ikkje slutte å vere forviten. Her kan ein få bakoversveis, for det er ikkje måte på sterke utspel –  eller luggen blir hengande berre beint ned som om han var vassbløytt, for det skjer null og niks og ingenting. Her alle hus opne, og vitnar om frie former og generøsitet, og her er  kvar ei dør stengd, for kven har lovd noko anna enn at det gjeld å ta vare på seg sjølv. Som når du plukkar sopp, er det ikkje måte på alt rart som finst, men kva er til å ete til middag, – og kva er til å ete seg til meins på? Internett er internett, også på bloggen.

(Foto: S.K. – Ved foten av treet)