Livssoga i sirkelskrift

Storetreet måtte til slutt leggast i bakken.  Soga om livet for treet står skrive på stubben i snirklete knudrete sirkelskrift – om tidene var gode eller knappe, om år etter år som gjekk, og med ei helsing til oss andre om å frimodig leve vidare, om å stå han av!

I emning

Heggen emnar seg til å blomstre. Det går mot pinse.

(Bildet attåt diktet “Stenduen” i spalta til høgre  viser hegg i blomstring. Eit bilde som eg trur eg tok i fjor.)

Våren til sjøs

Så skjer det igjen: Utsikta frå kjøkenglaset blir prega av det eventyrlege!

Skib o’hoi! Kven er du?

Han låg der berre ei stund utover påskedagsmorgonen før han letta anker og styrte utover fjorden – for motorkraft. For mange mange år sidan var dette sjølve draumen, men ein kom berre ein einaste gong så langt at ein fekk prøve ein par timars seilas, – lydlaus framdrift, men gjorde god fart.

Har du prøvd deg på bølgjan blå? Ønskjer du deg ut  på eit tokt?

Fedrane kyrkje og ferjeleie

Volda kyrkje og ferjekaia på Vikeneset (april 2009)

Påskeegga blir firkanta i år

 

Påskeegga blir firkanta i år.

Eggeglas og teskei trengst ikkje,

men ver klar  med skjerefjøl og ostehøvel.